اسلام آباد۔30جولائی (اے پی پی) وفاقی وزیر صحت سید مصطفی کمال آکھیا جو ٹیلی میڈیسن دا منصوبہ ویلھے دی اہم لوڑھ بݨ ڳئے، جدید ٹیکنالوجی توں فیدہ چیندیں ہوئیں ڈاکٹرز ا??ے دوا مریض دے دَر تئیں گھن آندے پئیوں۔ اے ڳالھیں انہاں (بدھ) کوں ٹیلی میڈیسن منصوبے تے پی?? رفت بارے ہک اعلیٰ سطح دے اجلاس اچ ڳالھ مہاڑ کریندیں ہوئیں کیتا۔ اجلاس اچ جوائنٹ سیکرٹری ہیلتھ اتے ڈائریکٹر جنرل ڈویلپمنٹ سودھے سپیشل کنسلٹنٹ ٹیلی میڈیسن شرکت کیتی۔وفاقی وزیر آکھیا جو ٹیلی میڈیسن دا منصوبہ ویلھے دی اہم لوڑھ بݨ ڳئے، منصوبے دی جلدی توں جلدی تکمیل کوں یقینی بݨایا ونڄے تاں جو ملک بھر دی عوام ایں جدید سہولت توں بھرپور فیدہ چا سڳن۔ انہاں آکھیا جو جدید ٹیکنالوجی توں فیدہ چیندیں ہوئیں ڈاکٹرز ا??ے دوا مریض دے دَر تئیں گھن آندے پئیوں، ابتدائی مرحلے اچ کراچی اتے اسلام آباد ا?? پائلٹ پروگرام دا آغاز کیتا ویندا پئے، 70 فیصد لوک جو بنیادی مراکز صحت دی بجائے وݙے ہسپتالاں اچ ویندن جئں دی وجہ نال اتھاں مریضاں دا دباؤ ودھ ویندے۔ مصطفی کمال آکھیا جو ایں جدید نظام نال نہ صرف ہسپتالاں تے بوجھ گھٹ تھیسی بلکہ شہریاں کوں انہاں دے دَر تے بہترین طبی سہولتاں وی ملسن۔ انہاں آکھیا جو ٹیلی میڈیسن نال دور دراز علاقیاں دے رہݨ آلیاں کوں دَر تئیں ڈاکٹرز ا??ے دوا دی سہولت ملسی، ایں اقدام نال غریب اتے لاچار مریض جو ہسپتال ونڄݨ دی استطاعت نئیں رکھیندے، انہاں کوں گھر تے ڈاکٹرز ا??ے دوا دی سہولت ملسی۔ مصطفی کمال آکھیا جو اے پرائمری ہیلتھ کیئر سسٹم کوں مستحکم بݨاوݨ آلے پاسے ہک اہم قدم اے۔ اجلاس اچ ٹیلی میڈیسن منصوبے دی پی?? رفت دے جائزے ات?? درپیش چیلنجز تے بریفنگ وی ݙتی ڳئی۔
