لاہور۔14ستمبر (اے پی پی) ڈائریکٹر جنرل پی ڈی ایم اے عرفان علی کاٹھیا سیت پورریلیف کیمپس دا دورہ کیتے، کیمپس اچ ݙتیاں ویندیاں سہولتاں دا جائزہ ڳھدا۔ ایں موقع تے ڈی جی پی ڈی ایم اے ڳالھ کریندے آکھیا جو وزیراعلیٰ پنجاب مریم نواز شریف دی ہدایت دے پیش نظر متاثرین کوں ساریاں سہولتاں ݙتیاں ویندیاں پئن۔ انہاں آکھیا جو علی پور، سیت پور، جلال پور پیر والا اتے رحیم یارخان دے فلڈ پلین توں شہریاں دا انخلاء جاری اے۔ آندے 2 ݙینھ چھل دی صورتحال اچ گھٹکی آویسی۔ انہاں آکھیا جو پنجند تے اچے درجے دی چھل تے پاݨی 4 لکھ 11 ہزار کیوسک اے۔ دریائے راوی اچ ہیڈ سدھنائی تے تلویں درجے دی چھل اے ۔ ڈی جی پی ڈی ایم اے آکھیا جو شہریاں توں اپیل اے جو انتظامیہ دے نال تعاون کرن
