اسلام آباد۔12جنوری (اے پی پی):نیشنل کمانڈ اینڈ آپریشن سینٹر دے سربراہ وفاقی وزیر برائے منصوبہ بندی ترقی تے اصلاحات وخصوصی اقدامات اسد عمر آکھیا جو کورونا دی تریجھی لہر توں ہر صورت بچݨ دی کوشش کرݨی پمسی، ویکسین آوݨ اچ ویلھا لڳسی، ایں ویلھے تئیں ہر بندہ احتیاط کرے۔ منگل کوں میڈیا بریفنگ ݙیندیں ہوئیں انہاں آکھیا جو سمارٹ لاک ڈائون اچ صنعت تے تعمیرات دے شعبے کوں کھولیا ڳئے، پورا لاک ڈائون دی بجائے سمارٹ لاک ڈائون کیتا ڳئے۔ پاکستانی پالیسیاں کوں عالمی سطح تے پذیرائی ملی اے۔ اقوام متحدہ، بل گیٹس اتے ٻئے عالمی اداریاں پاکستان دی تعریف کیتی اے۔ اسد عمر آکھیا جو حکومت کورونا ویکیسن گھنݨ سانڳے تکھے فیصلے کریندی پئی اے۔ چینی کمپنی نال ڳالھ چلدی پئی اے، جلدی چنڳی خبر ملسی۔