اسلام آباد۔1جنوری(اے پی پی) وزیر اعظم عمران خان آکھیا جو صنعتاں ترقی کریندیاں پئن، سیمنٹ دی فروخت اچ ریکارڈ ودھارا تھیے، ٹیکسٹائل انڈسٹری چل پئی اے، 2021 اچ ترقی دے نواں پندھ شروع کریسوں، کوئی پاکستان بُکھا کائنا سمھسی۔ او جمعے کوں اتھاں پاکستان اچ متعارف تھیوݨ آلی گاݙیاں دی افتتاحی تقریب نال خطاب کریندے پئے ہن۔ ایں موقع تے وفاقی وزیر حماد اظہر اتے جاوید آفریدی وی خطاب کیتا۔ وزیراعظم جاوید آفیریدی اتے فیصل آفریدی کوں مبارک ݙیندیں ہوئیں آکھیا جو پاکستان اچ انڈسٹریلائیزیشن اچ بہترین سانجھے دار چین اے، پاکستان اچ چینی سفیر میئر رہ ڳئن اتے اے ترقی دی اہمیت بارے جاݨدن، اساں پاکستان دے مستقبل سانڳے چین توں سکھ سڳدوں۔ وزیراعظم آکھیا جو پاکستان کوں اسلامی فلاحی ریاست بݨاوݨ اتے پاکستانیاں کوں غربت توں کڈھݨ حکومت دا بنیادی ہدف اے۔ وزیراعظم آکھیاجو پاکستان زرعی ملک اے اتے اتھاں زرعی پیداوارڳھٹ اے، بدقسمتی نال زراعت آلے پاسے توجہ کائنی ݙتی ڳئی، ایں شعبے اچ وی چین دے تجربے توں فائدہ چیسوں۔
.jpg)
