اسلام آباد۔24اپریل(اے پی پی)پاکستان بھارت ولوں سندھ طاس معاہدے دی یکطرفہ معطلی سودھا اینڄھے ٻئے اقدامات دا تکڑا ولدا ݙیندے واہگہ بارڈر پوسٹ فوری بند کرݨ، ہر قسم دی تجارت اتے بھارتی شہریاں کوں جاری سارے ویزے معطل کرݨ، بھارتی ہائی کمیشن اچ سفارتکاراں اتے عملہ دی تعداد ڳھٹاوݨ اتے بھارتی ایئرلائنز تے پاکستانی فضائی حدود دی بندش دا اعلان ??ری??دے آکھیے ج?? سندھ طاس معاہدے دے مطابق پاکستان دا پاݨی روکݨ دے کہیں وی عمل کوں جنگ تصور کیتا ویسی، کہیں مصدقہ تحقیقات اتے موثر شواہد نا ہووݨ دے باوجود پہلگام حملے کوں پاکستان نال جوڑݨ دیاں کوششاں بے بنیاد ہین، اپݨی خودمختاری، سلامتی، وقار اتے ناقابل تنسیخ حقوق دا مکمل تحفظ کریسوں۔ وزیراعظم محمد شہباز شریف دی اڳواݨی اچ قومی سلامتی کمیٹی دا اہم اجلاس اسلام آباد اچ تھئے جیندے اچ قومی سلامتی دے منظر نامے، علاقائی صورتحال بالخصوص غیر قانونی طور تے بھارت دے زیر تسلط جموں و کشمیر دے ضلع اننت ناگ اچ 22 اپریل 2025 کوں تھیوݨ آلے پہلگام حملے دے بعد دی صورتحال تے الایا ڳیا۔ قومی سلامتی کمیٹٖی اجلاس دے اعلامیہ دے مطابق سیاحوا دی جاںاں دے ضیان تے چنتا ??ری??دے کمیٹی 23 اپریل 2025 کوں بھارت دے اقدامات دا جائزہ ڳھدے اتے ایکوں یکطرفہ، غیر منصفانہ، سیاسی محرکات تے مبنی، انتہائی غیر ذمہ دارانہ اتے غیر قانونی قرار ݙتے۔ پاکستان بھارت ولوں سندھ طاس معاہدے دی یکطرفہ معطلی سودھا ٻئے اقدامات دا تکڑا ولدا ݙیندے سارک استثنیٰ سکیم دے تحت بھارتی شہریاں کوں جاری سارے ویزے معطل کرݨ، واہگہ بارڈر پوسٹ فوری بند کرݨ اتے ہر قسم دی تجارت معطل کرݨ دا اعلان کیتا ڳئے، بھارتی ایئر لائنز پاکستانی فضائی حدود استعمال نا کر سڳسن، سندھ طاس معاہدے دے مطابق پاکستان دا پاݨی روکݨ کوں جنگ تصور کیتا ویسی، شملہ معاہدہ سودھا سارے ݙوطرفہ معاہدیاں کوں معطل کرݨ دا حق محفوظ اے۔ کمیٹی صورتحال سانڳے فیصلیاں اچ آکھیے ج?? پاکستان سندھ طاس معاہدہ ملتوی کرݨ دا بھارتی اعلان سختی نال مسترد ??ری??دے۔ اے معاہدہ ہک بین الاقوامی معاہدہ اے جیندی ثالثی عالمی بینک کیتی اتے ایندے اچ یکطرفہ طور تے معطلی دی کوئی شق کائنی، پاݨی پاکستان دا ہک اہم قومی مفاد اے،جیندے تے ایندے 24 کروڑ عوم دی زندگی منحصر اے اتے ایندی دستیابی دا ہر قیمت تے تحفظ کیتا ویسی، سندھ طاس معاہدے دی معطلی، دریا دا رخ موڑݨ یا بندش کوں جنگی قدم ڳݨیا ویسی اتے قومی طاقت دے مکمل دائرہ کار اچ پوری قوت نال ولدا ݙتا ویسی۔ بین الاقوامی کنونشنز، اقوام متحدہ دی سلامتی کونسل دی قرارداداں اتے بین الاقوامی ذمہ داریاں کوں اپݨی مرضی نال نظر انداز کرݨ آلے بھارت دے لاپرواہ اتے غیر ذمہ دارانہ رویے کوں ݙیہدے ہوئے، پاکستان ایں ویلھے بھارت نال سارے ݙو طرفہ معاہدیاں کوں معطل کرݨ دا حق استعمال کریسی، ڄیڑھا صرف شملہ معاہدے تئیں ہی محدود نہ رہسی، ڄے تئیں بھارت سرحد پار قتل و غارت، بین الاقوامی قوانین و کشمیر تے اقوام متحدہ دی قرارداداں دی عدم پاسداری توں پچھو نئیں ہٹدا۔ پاکستان واہگہ بارڈر کوں فوری بند کرݙیسی اتے اتھو ہندوستان توں ساری سرحد پار آمدورفت بغیر معطل رہسی، ڄیڑھے لوک درست قانونی طریقے نال پاک بھارت سرحد پار کر چکین او اتھو فوری ول ??نڄ سڳدن ٻھل 30 اپریل 2025 ء دے بعد اے سہولت بند کرݙتی ویسی۔ سارک ویزا استثنیٰ سکیم دے تحت بھارتی شہریاں کوں جاری کیتے گئے ویزے فوری منسوخ کرݙتن اتے پاکستان اچ موجود سارے بھارتی شہریاں کوں 48 گھنٹیاں اچ نکل ونڄݨ دا آکھیا ڳئے، ٻھل سکھ یاتری ایں توں مستثنیٰ ہوسن۔ پاکستان بھارتی دفاعی، نیول و ایئر ایڈوائزرز کوں ناپسندیدہ شخصیات قرار ݙیندے ہدایت کیتی اے ج?? او 30 اپریل تئیں پاکستان چھوڑ ݙیون، بھارتی ہائی کمیشن اچ اے آسامیاں منسوخ کر ݙتیاں ڳن، انہاں ایڈوائزرز بارے معاون سٹاف کوں وی بھارت ونڄݨ دا آکھیا ڳئے۔ اعلامیہ موجب اسلام آباد اچ بھارتی ہائی کمیشن اچ سفارتکاراں اتے عملہ دی تعداد 30 اپریل 2025 توں ڳھٹ کر تے 30 کرݙتی ویسی۔ پاکستان دی فضائی حدود اچ ہندوستان دی ملکیت اتے ہندوستان توں چلݨ آلیاں ساریاں ایئرلائنز بند کیتاں وینداں پین۔ بھارت نال ساری تجارت، بشمول کہیں تریڄھے ملک توں پاکستان دے رستے تجارت وی معطل کرݙتی گئی اے۔ قومی سلامتی کمیٹی آکھیے ج?? کشمیر پاکستان اتے بھارت وچال ہک تصفیہ طلب تنازعہ اے ڄیکوں اقوام متحدہ دی کئی قرارداداں دے ذریعے منیا ڳئے۔ پاکستان کشمیری عوام دے حق خود ارادیت دی حمایت جاری رکھسی۔ مسلسل ہندوستانی ریاستی جبر، ریاستی حیثیت دی منسوخی، سیاسی و آبادیاتی ہیر پھیر، مسلسل غیر قانونی طور تے بھارت دے زیر تسلط جموں و کشمیر دے لوکاں ولوں ہک فطری و مقامی ردعمل دی وجہ ٻݨی اے، اقلیتاں بالخصوص مسلماناں دے خلاف بھارت دا منظم ظلم و ستم ٻیا ودھ ڳئے۔ وقف بل دی زبردستی منظوری دیاں کوششاں ہندوستان اچ مسلماناں کوں کندھی لاوݨ دی تازہ ترین کوشش اے۔ بھارت کوں اینڄھے المناک واقعات توں فیدہ چاوݨ دی بجائے لوکاں کوں تحفظ ݙیوݨ اچ ناکامی دی پوری ذمہ داری قبول کرݨی چاہیدی اے۔ اعلامیہ دے مطابق پاکستان ہر قسم دی دہشت گردی دی بلاامتیاز مذمت ??ری??دے، دہشت گردی دے خلاف ڄق دی صف اول ریاست ہوݨ پاروں پاکستان کوں ودھ انسانی و معاشی نقصان چاوݨا پئے۔ پاکستان دی مشرقی سرحداں تے کشیدگی دیاں بھارتی کوششاں دا مقصد پاکستان دی انسداد دہشت گردی دی کوششاں توں توجہ ہٹاوݨ اے۔ بھارت دی مظلومیت دا گھسیا پٹیا بیانیہ پاکستان دی سرزمین تے دہشت گردی کوں ہوا ݙیوݨ اچ ایندے اپݨے قصور کوں لکا نئیں سڳدا اتے نہ ہی او بھارتی زیر تسلط مقبوضہ کشمیر اچ اپݨے منظم و ریاستی سرپرستی اچ تھیوݨ آلے جبر اتے انسانی حقوق دی خلاف ورزیاں توں توجہ ہٹا سڳدے۔ اعلامیہ موجب ہندوستانی دعویاں دے برعکس، پاکستان کولو پاکستان اچ بھارتی سرپرستی اچ تھیوݨ آلی دہشت گردی دے ناقابل تردید ثبوت ہین، جیندے اچ ہندوستانی بحریہ دے ہک حاضر سروس افسر، کمانڈر کلبھوشن یادیو دا اعتراف وی شامل اے، جیڑھا ہندوستان دی ریاستی سرپرستی اچ تھیوݨ آلی دہشت گردی دی کارروائیاں دا جیندا ثبوت اے۔ قومی سلامتی کمیٹی 23 اپریل 2025 دے بھارتی بیان اچ لکی میں دھمکی دی مذمت ??ری??دے عالمی بنرادری توں مطالبہ کیتے ج?? او بھارت دے ریاستی سرپرستی اچ ماورائے عدالت قتل یا غیر ملکی سرزمین تے کیتیاں ونڄݨ آلیاں کوششاں کوں سامݨے رکھے ڄیڑھیاں بین الاقوامی قانون دی کھلم کھلا خلاف ورزی کیتاں ڳن ڄیویں ہݨیں ہی پاکستان دے نال نال ٻیاں ریاستاں ناقابل تردید ثبوتاں نال بے نقاب کیتے۔ اجلاس اے عزم دوہرائے ج?? پاکستان سارے ذمہ داراں، منصوبہ سازاں اتے مجرماں دا پیچھا کریسی اتے انصاف سامݨے ڳھن آسی، پاکستان دی خودمختاری اتے ایندے عوام دی سلامتی کوں درپیش کہیں وی خطرے دا مقابلہ مناسب اتے بھرپور انداز نال ݙتا ویسی، بھارت کوں اپݨے سیاسی ایجنڈے کوں اڳو تے ودھاوݨ کیتے الزام تراشی اتے پہلگام ڄھیں واقعات دا منظم طریقے نال استحصال کرݨ توں باز رہݨا چاہیدے، اینڄھے ہتھکنڈے صرف کشیدگی ودھیندن اتے خطے اچ امن و استحکام دی راہ اچ رکاوٹ ٻݨدن، بھارتی ریاست دے ہتھو کٹھ پتلی میڈیا ولوں علاقائی امن و امان کوں خطرے اچ پاوݨ قابل مذمت اے، ایں سانڳے بھارت سنجیدگی نال سوچے۔ قومی سلامتی کمیٹی زور ݙتے ج?? پاکستان اتے ایندیاں مسلح افواج کہیں وی مہم جوئی دے خلاف اپݨی خودمختاری و علاقائی سالمیت دے دفاع دی بھرپور صلاحیت رکھدن اتے ہر ویلھے تیار ہین، ڄیویں فروری 2019 اچ بھارت دی دراندازی تے پاکستان دے بھارت دے خلاف بھرپور ردعمل نال واضح تھیندے۔ قومی سلامتی کمیٹی آکھیے ج?? بھارت دے جارحانہ اقدامات ݙو قومی نظریہ دے نال نال قائد اعظم محمد علی جناح دے خدشات دی وی توثیق کیتی اے۔ 1940 دی قرارداد ڄیڑھی پوری پاکستانی قوم دے جذبات دی ترجمان اے، دی بنیاد وی ݙو قومی نظریہ ہی ھا۔ پاکستانی قوم امن کیتے پرعزم اے ٻھل کہیں کوں وی اپݨی خودمختاری، سلامتی، وقار اتے ناقابل تنسیخ حقوق توں تجاوز کرݨ دی اجازت نہ ݙیسی۔
