اسلام آباد۔7اگست (اے پی پی) چیف جسٹس آف پاکستان جسٹس یحییٰ آفریدی نال صدر ڈسٹرکٹ بار ایسوسی ایشن کراچی عامر وڑ??ئچ اتے عبدالرحمن کورائی سپریم کورٹ برانچ رجسٹری کراچی اچ ملاقات ک??تی?? سپریم کورٹ دے شعبہ تعلقات عامہ دے جاری اعلامیہ موجب ایں موقع تے لا اینڈ جسٹس کمیشن آف پاکستان (ایل جے سی پی) دے ایڈیشنل ریذیڈنٹ سیکرٹری سہیل احمد مشوری وی موجود ہن۔ چیف جسٹس یحییٰ آفریدی آکھیا جو “ضلعی عدلیہ جاری ترجیحی ایجنڈے اچ مرکزی حیثیت رکھیندی اے کیونجو اے انصاف تئیں رسائی کیتے لوکاں کوں انٹرفیس کیتے بنیادی فورم دے طور تے کم کریندی اے۔” انہاں ضلعی عدالتاں کوں جدید انفراسٹرکچر اتے ادارہ جاتی تعاون نال آراستہ کرݨ دی لوڑھ تے زور ݙتا تاں جو شعبہ انصاف دی مجموعی کارکردگی کوں ودھایا ونڄ سڳے۔ انہاں مزید آکھیا جو “حکومت عصری معیارات موجب عدلیہ دے بنیادی ڈھانچے دیاں لوڑھاں کوں پورا کرݨ کیتے سرگرم عمل اے۔” پاکستان دے معاشی حب دے طور تے کراچی دی حیثیت کوں سامݨے رکھدیں انہاں عدالتی ڈھانچے دے قیام دی جلدی لوڑھ تے زور ݙتا جو شہر دے ودھدیں ہوئیں قانونی اتے تجارتی تقاضیں کوں پورا کر سڳے۔ انہاں آکھیا جو “ہم آہنگی اتے اصلاحات تے عمل درآمد کوں بہتر بݨاوݨ کیتے ہر صوبے اچ ایڈیشنل ریذیڈنٹ سیکرٹری ضلعی عدلیہ دے نال رابطے دے ادارے دے طور تے کم کرن۔ ایں اقدام دا مقصد بنچ اتے بار وچال بامعنی تعاون دے ذریعے خلاء کوں مکاوݨ اے۔ انہاں چیف جسٹس کوں انہاں دے ویلھے اتے کراچی اچ قانونی برادری کوں پیش آوݨ آلے اہم مسئلیں کوں حل کرݨ تے انہاں دی تعریف ک??تی?? انہاں پورے ملک اچ عدالتی اصلاحات کوں اڳوں ودھاوݨ اچ انہاں دے وژن اتے قیادت دا وی شکریہ ادا کیتا۔
