اسلام آباد۔15اگست (اے پی پی) چیئرمین سینیٹ سید یوسف رضا گیلانی مظفرآباد اتے باجوڑ اچ کلاؤڈ برسٹ دے نتیجے اچ تھیوݨ آلے جانی و مالی ضیان تے اڄوکے مینھ پاروں ملک دے مختلف حصیں اچ پیش آوݨ آلے سانحے تے ݙکھ اتے افسوس کیتے۔ سینیٹ سیکرٹریٹ موجب چیئرمین سینیٹ آپݨے تعزیتی بیان اچ آکھیے جو “قدرتی آفتاں ہک اوکھی آزمائش ہوندن اتے ایجھے موقعیں تے اساں کوں ہک قوم دے طور تے یکجہتی، ہمدردی اتے تعاون دا مظاہرہ کرݨا چاہیدے۔ انہاں آکھیا جو متاثرہ خانداناں دے ݙکھ اچ پوری قوم شریک اے اتے اساں انہاں کیتے ہر ممکن مدد کرݨ کیتے تیار ہیسے۔ سید یوسف رضا گیلانی وفاقی اتے صوبائی حکومتاں، متعلقہ اداریں اتے ریسکیو ٹیماں کوں ہدایت کیتی جو متاثرہ علاقیں اچ امدادی سرگرمیاں کوں تکھا کیتا ونڄے، زخمیاں کوں طبی سہولتاں ݙتیاں ونڄن اتے بے گھر تھیوݨ آلے خانداناں کوں ریلیف ݙتا ونڄے۔ چیئرمین سینیٹ جاں بحق تھیوݨ آلے لوکاں دے ایصالِ ثواب کیتے دعا کیتی اتے لواحقین کیتے صبرِ جمیل دی دعا کریندیں آکھیا جو متاثرین دی بحالی کیتے سارے موجود وسائل کوں استعمال اچ گھن ??یا ونڄ سڳدے۔ انہاں آکھیا جو ایں اوکھے ویلھے سارے سیاسی و سماجی قوتاں کوں آپݨے اختلافات ہک پ??سے رکھیندیں متاثرین دی مدد کیتے اڳوں آوݨا چاہیدے۔ انہاں عوام توں اپیل کیتی جو متاثرہ علاقیاں اچ رہݨ آلے بھرا بھیݨاں دی امداد کیتے دل کھول تے تعاون کرو تاں جو او ایں اوکھی صورتحال توں تکھے نکل سڳن۔
