اسلام آباد ۔ 20 اگست (اے پی پی) صدر مملکت ڈاکٹر عارف علوی ابتدائی طبی امداد دی فراہمی دے حوالہ نال انجمن ہلال احمر پاکستان دی خدمات دی تعریف کریندے ہوئیں ایں امر تے زور ڈتے جو ایں وقت صرف 2 فیصد پاکستانی خون دے عطیات ڈیندن ، ایں سلسلے اچ مسیتاں سمیت مختلف دستیاب فورمز دے ذریعے لوکاں کوں متحرک کرنڑ دی ضرورت اے ۔اے گال انہاں منگل کوں ایوان صدر اچ انجمن ہلال احمر پاکستان دی بریفنگ دے دوران آکھی اے ۔انہاں آکھیا جو انجمن ہلال احمر پاکستان قیمتی انسانی جاناں کوں بچاونڑ کیتے فرسٹ ایڈ سروسز دے ذریعے نمایاں خدمات سرانجام ڈیندی پئی اے ۔ صدر مملکت آکھیا جو انجمن ہلال احمر پاکستان اچ انسانی امداد دی نمایاں تنظیم اے جیں دی ڈوجھے ملک دیاں تنظیماں دے نال شراکت داری اے ،ایں تنظیم کوں ملک اچ نجی شعبے دیاں ایں طرح دیاں بیاں تنظیماں نال رل تے نیٹ ورکنگ اچ اپنڑاں مرکزی کردار ادا کرنڑاں چاہیدے ۔انہاں آکھیا انجمن ہلال احمر کوں صوبائی حکومتاں تے بئے متعلقہ تنظیماں نال رل تے صوبیں اچ رضاکاراں اتے کارکناں دی استعداد کار اچ ودھارے بالخصوص ابتدائی طبی امداد دی فراہمی اچ اپنڑاں کردار ادا کرنڑاں چاہیدے،۔انہاں آکھیا انجمن ہلال احمر پاکستان ایں وقت اشیاءخوردونوش، پانڑیں صفائی ستھرائی، حفظان صحت، صحت عامہ، نفسیاتی مدد، خاندانی تعلق دی بحالی کیتے خدمات، ہنگامی اتے مستقل پناہ گاہیں اتے ضروریات زندگی دی فراہمی اچ تعاون اتے خدمات فراہم کریندا پئے ،ایں ڈے 132 ایمبولینساں ہن خون دے عطیات کیتے 18 لکھ رجسٹرڈ رضاکار، 7 بلڈ بینک، ہنگامی حالات اچ 2 لکھ خانداناں دیاں ضرورتاں دا سامان تے 1775 ہنگامی حالات نال نبڑنڑ آلے رضاکار موجود ہن۔
