میڈرڈ۔11جنوری(اے پی پی)وزیر خارجہ مخدوم شاہ محمود قریشی سپین دے دورے تے ہین جتھاں انہاں میڈرڈ اچ سپین دے نائبین دی کانگریس دی صدر میری شل بتیت نال ملاقات کیتی اتے ݙو طرفہ تعلقات تکڑے کرݨ دے مواقع تے الایا۔ انہاں ݙوہاں ملکاں وچال تعاون سانڳے پارلیمانی فرینڈشپ گروپ فعال کرݨ تے اتفاق کیتے۔ شاہ محمود قریشی آکھیا جو سپین، یورپی یونین اچ پاکستان دا ٻہوݨ اہم ساڄھے دار اے، این سانڳے ݙوطرفہ تعلقات و تعاون کوں ٻیا ودھاوݨ دی لوڑھ اے۔ فریقین ݙوطرفہ پارلیمانی روابط تکڑے کرݨ، پارلیمانی فرینڈ شپ گروپاں دے تبادلے، کرونا نال نبڑݨ سودھا مختلف شعبیاں اچ ڳانݙھا ودھاوݨ کتیے رل مل تے کم کرݨ دیاں کوششاں تے ڳالھ مہاڑ کیتی۔
