اسلام آباد ۔ 26 جنوری (اے پی پی) صدر مملکت ممنون حسین آکھیا ہے جو انسانی وسائل تے سرمایہ کاری پائیدار ترقی دی ضامن ہے ،تعلیم او واحد ذریعہ ہے جیرھا جو انسان دا مستقبل حال توں چنگاں بنڑایا ونج سگ??ا ہے ایں سانگے ضروری ہے جو او معیشت سمیت زندگی دے مختلف شعبے اچ بدلدی ہوئی اقدار دا ساتھ ڈیونڑ سانگے طریقہ تعلیم اچ و انقلابی تبدیلیاں متعارف کرایا ں ونجن تے تعلیم کوں تحقیق دے نال مربوط کرتے نینگراں سانگے علم دے دروازے کھولیے ونجن ۔صدر مملک?? اے گالھ ائیر یونیورسٹی اچ ”قومی معیشت دی ترقی اچ تعلیم دا کردار“دے موضوع تے مذاکرے توں خطاب کریندے ہوئیں آکھی جیں اچ ایئرمارشل فاروق حنیف ، وائس چانسلرایئر یونیورسٹی، ایئر وائس مارشل ریٹائرڈفائز امیر اتے معزز مہماناں دی ہک وڈی تعدادشرکت کیتی ۔صدر مملکت آکھیا جو علم دے ودھارے سانگے مکالمے دی آزادانہ فضا قائم رکھنڑ دی ضرورت ہے کیوں جو آزادانہ مکالمے دے ذریعے ہی قوماں دی ترقی دا دروازہ کھولیا ونج سگ??ا ہے ۔انہاں آکھیا جو قومی وسائل دی وجہ توں خواہش دے باوجود تلیم تے ودھ سارے وسائل خرچ نی تھیندے پے تاں جو حکومت سارے تعلیمی شعبیں تے سارے دستیاب وسائل خرچ کریند ی پئی ہے تاں جو ملک ا فرادی قوت دی تیاری تے سرمایہ کاری کرتے پائیدار ترقی دی بنیا د رکھی ونج سگے ۔صدر مملکت آکھیا جو نینگر نسل مستقبل کوں ڈیکھدے ہوئیں اپنڑے آپ کوں تیار کرن کیوں جو پاکستان دا مستقبل تابناک ہے ۔صدر مملکت آکھیا جو نویں نسل کوں جدید دور دے تقاضیں نال ہم آہنگ کرنڑ تے معاشرے دا کار آمد فرد بنڑاونڑ سانگے تعلیمی نظام اچ جدید رحجانات کوں ودھارا ڈیونڑ ضروری ہے ۔ صدر مملکت ممنون حسین ایں موقع تے ایئر یونیورسٹی اچ کارپس ریسرچ سینٹر داافتتاح وی کیتا ۔ صدر مملکت آکھیا جو ایئر یونیورسٹی قومی تعلیمی میدان اچ بہوں مختصر عرصے اچ چنگاںمقام حاصل کیتا ہے جتھ??ں نویں نسل کوں جدید خطوط تے مختلف علوم و فنون دی تعلیم ڈتی ویندی پئی ہے ۔
.jpg)
