اسلام آباد ۔ 13 فروری (اے پی پی) وزیراعظم محمد نواز شریف دی صدارت اچ اجلاس اچ اقتصادی تعاون تنظیم دے 13 ویں سربراہ اجلاس دے انتظامات دا جائزہ گھدا گئے ،جیہڑا جو پہلی مارچ 2017ء کوں اسلام آباد اچ تھیسی ۔ رکن ملکاں دے اعلیٰ حکام اتے وزیراں دا جلاس 26 توں 28 فروری تئیں اسلام آباداچ تھیسی ۔ وزیراعظم کو ںسربراہ اجلاس دے ایجنڈا بارے ڈسا ڈتا گئے ، جنہاں اچ ہنڑ تئیں دے تھیونڑآلے انتظامات وی شامل ہن ۔ انہاں کوں ڈسایا گئے جو اعلامیہ اسلام آباد علاقائی خوشحالی کیتے رابطے دے موضوع اُتے مبنی ہوسی ۔ انہاں بیا ڈسایا گیا جو 13 ویں سربراہ اجلاس اچ ای سی او دے وژن 2025ء دے فیصلے دی توقع ہے جیندے اچ ترقی دے بنیادی اصول، علاقائی یکجہتی اتے خطے دے لوکیں کیتے سازگار فضاء اتے استحکام شامل ہے تانجو ترقی کیتے او آپنڑیاں بھرپور صلاحیتاں کوں استعمال اچ گھن آون۔ سربراہ اجلاس کیتے تعاون دے جنہاں شعبیاں کوں شامل کیتا گئے انہاں اچ تجارت، ٹرانسپورٹ تے رابطہ، توانائی، سیاحت، اقتصادی ترقی، پیداواریت، سماجی بہبود اتے ماحولیات شامل ہن ۔ سربراہ اجلاس اچ افغانستان دے وزیر خارجہ، آذربائیجان دے صدر، ایران دے صدر، قزاخستان دے صدر/وزیراعظم، کرغزستان دے وزیراعظم، تاجکستان دے صدر، ترکی دے صدر، ترکمانستان دے صدر اتے ازبکستان دے نائب وزیراعظم شرکت کریسن ۔ وزیراعظم ہدایت کیتی ہے جو سربراہ اجلاس اچ شرکت کرنڑآلے وفود کیتے سارے ضروری اقدامات کیتے ونجن۔
