اسلام آباد ۔ 4 دسمبر (اے پی پی) صدر مملکت ڈاکٹر عارف علوی آکھیے جو تعلیم دے نال نال معیارات تے توجہ ڈیونڑ دی ضرورت اے ۔معیارات دے حصول تے کامیابی کیتے مستقبل مزاجی تے جذبے نال کم کرنڑاں پوسی ،حکومت بیورو کریسی دے چنگے معیار دے جائزے کیتے عشرت حسین دی سربراہی اچ کمیٹی بنڑا ڈتی اے ۔اے گال انہاں معیارات اتے پالیسی دے حوالے نال مسلیں تے چیلنجز متعلق کانفرنس نال خطاب کریندے ہوئیں آکھی اے ۔صدر مملکت آکھیا جو زندگی دے ہر شعبے اچ معیار دی کلیدی اہمیت ہوندی اے ۔ یونیورسٹیاں کوں تحقیق کیتے ملکی مصنوعات توں مدد گھننڑیں چاہیدی اے ۔ یونیورسٹیاں مارکیٹ دی طلب دے مطابق نینگراں کوں تعلیم ڈیون تاں جو او بہتر انداز اچ معاشرے دی خدمت کرسگن ۔انہاں آکھیے جو تعلیم دے نال نال معیارت تے وی توجہ کرنڑ دی ضرورت اے،چنگے معیار کیتے والدین اپنڑے بالاں کوں بہوں ساری فیس ڈے تے تعلیم ڈویندن ،صدر مملکت آکھیا جو اساکوں لوکاں تے اعتماد کرنڑ دی ضرورت اے اساکوں مستقل مزاجی تے عزم نال کم کرنڑاں ہوسی ۔انہاں آکھیا جو حکومت دیاں دانشمندانہ پالیسیاں پاروں ملکی معیشت مستحکم تھئی اے تے معاشی اشاریے مثبت پاسے ٹردے پن ۔انہاں آکھیا جو گزریل ڈینھاں برطانوی شہزادہ اتے انہاں دی ذال پاکستان دا دورہ کیتے ، شاہی جوڑے دے دورہ پاکستان کوں عالمی سطح تے تعریف کیتی گئی اے ملک دا مثبت تشخص وی ابھریے ،انہاں آکھیا جو حکومت ہر شعبے اچ معیارات کوں چنگں بنڑاونڑ کیتے کم کریندی پئی اے ۔
.jpg)
