اسلام آباد۔24ستمبر (اے پی پی):وفاقی وزیرخزانہ ومحصولات مفتاح اسماعیل آکھیے جو پاکستان کمرشل بینکاں تے یورو بانڈز دے قرضہ ݙیوݨ آلے اداریں توں کوئی ریلیف منگیے تے نہ ساݙا کوئی ارادہ اے، آپݨے ٹویٹس اچ وزیرخزانہ مفتاح اسماعیل آکھیے جو پاکستان اچ موسمیاتی تبدیلیاں توں تھیوݨ آلی تباہی دے تناظر اچ پاکستان پیرس کلب دے قرضہ ݙیوݨ آلے ݙوطرفہ شراکتداراں توں ریلیف گھنݨ چاہندے،اساں کمرشل بینکاں تے یورو بانڈز دے قرضہ ݙیوݨ آلے اداریں توں کوئی ریلیف منڳیے تے نہ ہی ساݙا کوئی ایجھا ارادہ اے۔وزیرخزانہ آکھیے جو پاکستان دسمبراچ ھک ارب ڈالرمالیت دے بانڈز جاری کریندا پئے جیں دی مکمل ادائیگی وختی تھیسی ،پاکستان اپݨے ذمہ واجب الادا قرضے اداکریندا پئے تے سلسلہ جاری رہسی ۔پاکستان دے ذمہ یوروبانڈز دے تحت 8ارب ڈالرواجب الادا اے جیں دی ادائیگی دی مدت 2051 تئیں اے جیڑھا جو بارا ٻوڄھ کائنی ، وزیرخزانہ آکھیے جو پاکستان دے ذمہ واجب الادا قرضے زیادہ تر دوست ملکاں دے ہن تے انہاں ملکاں ایں قرضے کوں ری رول کرݨ دا آکھیے ۔
.jpg)
